Magasonda

 

Magasondan gefur börnum næringu þegar þau geta ekki nærst sjálf. Mæður eru hvattar til þess að mjólka sig og er fyrirburum þeirra gefin mjólkin í gegnum litla slöngu sem liggur um munn eða nef barnsins og ofan í maga (1,2). Barn sem er með síblásturstæki í nefi fær sonduna í gegnum munn á meðan en hún er gjarnan færð í nös eftir að barnið hættir að fá öndunaraðstoð frá tækinu. Til að sondan haldist á réttum stað er hún límd föst með heftiplástri (sem getur skilið eftir sig tímabundið far á barninu). Reglulega er skipt um slöngu og settur nýr plástur. Smáir fyrirburar geta þurft að nærast með hjálp sondu vikum saman og losna ekki við hana fyrr en þau eru farin nærast vel af brjósti eða pela, en slíkt gerist gjarnan um það leyti sem börnin eru tilbúin til heimferðar (3,2).
 
 
Faðir liggur með barnið á bringunni og gefur því brjóstamjólkina sem er í sprautunni í gegnum magasonduna. Þannig geta foreldrar tekið þátt í umönnun barnsins og gefið því næringu þó það þurfi að nærast í gegnum magasondu.
 
 

 

Heimildir:

  1. Lowdermilk, D. L. og Perry, S. E. (2004). Maternity & Women´s Health Care (8. útgáfa). St. Louise:St. Louise: Mosby.
  2. Zaichkin, J. (2002b). A different beginning. Í J. Zaichkin (Ritstj.), Newborn Intensive Care: What Every Parent Needs to Know (2. útgáfa, bls 15-31). California: NICU INK Book Publishers.
  3. Madden, S. L. (2000). The Preemie Parents´ Companion: A Essential Guide to Caring for Your Premature Baby in the Hospital, at Home and Though the First Years. Boston: The Harvard Common Press.

Félagið

Félag fyrirburaforeldra var stofnað árið 2008.

Félagið er ætlað öllum fyrirburaforeldrum til að hittast og ræða saman og til að gæta hagsmuna fyrirbura og foreldra þeirra.

Væntanlegt er hér á vefinn upplýsingar um félagið og lög þess og hvað helst sé á dagskrá hjá félaginu hverju sinni.

Aðalfundur verður haldinn snemma árs og eru áhugasamir beðnir um að fylgjast auglýsingu hér á vefnum og á facebook síðu fyrirburaforeldra.

Um síðuna

Umsjónarmaður síðunnar er Drífa Baldursdóttir lýðheilsufræðingur og fyrirburamóðir. Hægt er að hafa samband í gegnum vefpóst á drifa@fyrirburar.is

Heimasíðan er unnin af Drífu Baldursdóttur fyrirburamóður. Sambýlismaður hennar Sveinbjörn Hafsteinsson og fyrirburamamman Baddý Sonja Breidert sáu um tæknilegu hliðina við uppsetningu heimasíðunnar.

Um verkefnið

Fræðsluefnið sem er á síðunni vann Drífa sem meistaraverkefni í Lýðheilsufræðum við Háskólann í Reykjavík árið 2009, undir leiðsögn dr. Geirs Gunnlaugssonar prófessors við skólann og með samvinnu við yfirmenn Vökudeildar Barnaspítala Hringsins, Þórð Þórkelsson yfirlækni og Ragnheiði Sigurðardóttur deildarstjóra.
Þróunarverkefnið um gerð vefsíðunnar fyrirburar.is hlaut styrk frá Nýsköpunarsjóði Námsmanna árið 2009.

Þessi heimasíða er tileinkuð Hildi Arneyju dóttur Drífu sem kom í heiminn 11 vikum of snemma, því án hennar innkomu í líf hennar hefði þetta verkefni aldrei orðið að veruleika.