Útlit og þroski barnsins við fæðingu

Þegar barnið fæðist fyrir tímann er það ekki orðið fullþroskað, eins og sjá má á útliti þess. Á meðgöngunni er húð fóstursins gegnsæ og æðar mjög sjáanlegar. Eftir því sem líður á meðgönguna dekkist húðin og þykknar og verður ógegnsærri. Húð barna sem fæðast löngu fyrir tímann er því oft þunn og gegnsæ. Fóstur í móðurkviði byrjar að fá hár um allan líkamann eftir 20 vikna meðgöngu. Í kringum 28 vikur fara hárin að hverfa í andliti og á framhluta líkama barnsins (1).

 

Fyrirburar hafa þess vegna fósturhár á líkamanum, sem eru ýmist dökk eða ljós. Fullburða nýbura geta einnig haft fósturhár á líkamanum, sérstaklega um axlirnar. Hárið á höfði fóstursins fer einnig að myndast eftir um 20 vikna meðgöngu og á 23. til 24. viku meðgöngu fara augnhár og augabrúnir að myndast. Frá 28. til 34. eða 36. viku er hárið oft fínkennt og ullarkennt, það helst saman og getur staðið út í loftið (1).

 

Hægt er að staðfesta eftir hve langa meðgöngu barn er fætt með því að meta þroska þess. Þetta er gert með því að skoða hvernig barnið getur beygt útlimi, húðlit þess, hversu mikil fósturhár það hefur, húð undir iljum, hvernig brjóstkassi og geirvörtur barnsins eru, augu þess, eyru og kynfæri (1).

 

Heimildir

  1. Gardner, S. L. og Johnson, J. L. (2006). Initial nursery care. Í G. B. Merenstein og S. L. Gardner (Ritstj.), Handbook of Neonatal Intensive Care (6. útgáfa, bls. 79-121). St. Louise: Mosby.

Félagið

Félag fyrirburaforeldra var stofnað árið 2008.

Félagið er ætlað öllum fyrirburaforeldrum til að hittast og ræða saman og til að gæta hagsmuna fyrirbura og foreldra þeirra.

Væntanlegt er hér á vefinn upplýsingar um félagið og lög þess og hvað helst sé á dagskrá hjá félaginu hverju sinni.

Aðalfundur verður haldinn snemma árs og eru áhugasamir beðnir um að fylgjast auglýsingu hér á vefnum og á facebook síðu fyrirburaforeldra.

Um síðuna

Umsjónarmaður síðunnar er Drífa Baldursdóttir lýðheilsufræðingur og fyrirburamóðir. Hægt er að hafa samband í gegnum vefpóst á drifa@fyrirburar.is

Heimasíðan er unnin af Drífu Baldursdóttur fyrirburamóður. Sambýlismaður hennar Sveinbjörn Hafsteinsson og fyrirburamamman Baddý Sonja Breidert sáu um tæknilegu hliðina við uppsetningu heimasíðunnar.

Um verkefnið

Fræðsluefnið sem er á síðunni vann Drífa sem meistaraverkefni í Lýðheilsufræðum við Háskólann í Reykjavík árið 2009, undir leiðsögn dr. Geirs Gunnlaugssonar prófessors við skólann og með samvinnu við yfirmenn Vökudeildar Barnaspítala Hringsins, Þórð Þórkelsson yfirlækni og Ragnheiði Sigurðardóttur deildarstjóra.
Þróunarverkefnið um gerð vefsíðunnar fyrirburar.is hlaut styrk frá Nýsköpunarsjóði Námsmanna árið 2009.

Þessi heimasíða er tileinkuð Hildi Arneyju dóttur Drífu sem kom í heiminn 11 vikum of snemma, því án hennar innkomu í líf hennar hefði þetta verkefni aldrei orðið að veruleika.