Flestir fyrirburar fá gulu og þurfa að fara í ljósameðferð (e. phototherapy) vegna hennar. Ef barnið þarf á ljósum að halda er ljósalampi settur yfir hitakassann. Barnið er haft á bleyjunni einni fata og reynt er að láta ljósin skína sem mest á bera húðina og því snúið reglulega svo skína megi á allan líkamann. Barnið fær augnhlífar fyrir augun til varnar birtu ljósanna. Augnhlífarnar eiga til að losna og kemur samt sem áður eigi að sök þó skíni ljós á augun í smá stund (1). Ef barnið hefur mátt fara úr hitakassanum í fang foreldra á undan ljósameðferðinni eru foreldarnir oft beðnir um að taka barnið sem minnst úr kassanum meðan meðferðin stendur yfir, til að barnið nái að vera sem mest undir ljósunum. Fylgst er með gallrauða í blóði fyrirburans til að meta hvenær hætta megi ljósameðferð (2,3,1).
Heimildir:
- Zaichkin, J. (2002b). A different beginning. Í J. Zaichkin (Ritstj.), Newborn Intensive Care: What Every Parent Needs to Know (2. útgáfa, bls 15-31). California: NICU INK Book Publishers.
- Kitchen, W. H., Ryan, M. M. Rickards, A. L. og Doyle, L. W. (1989). Fyrirburar: foreldrahandbók (Sigríður Sigurðardóttir þýddi). Reykjavík: Mál og menning (Upphaflega gefið út 1985).
- Kitchen, W. H., Ryan, M. M., Rickards, A. L. og Doyle, L. W. (1998). Premature Babies: A Guide for Parents (2. útgáfa). Melbourne: Hill of Content.