Minningar varðveittar

Þegar fram líða stundir verður tíminn sem fjölskyldan dvaldi á Vökudeildinni að dýrmætri minningu. Minningu um gleði og sorgir, baráttur og sigra.

 

Það er gott ráð að skrifa niður atriði frá þessum tíma í dagbók og halda utan um myndir frá tímabilinu.

Sumir foreldrar hafa tekið mynd af börnunum sínum hliðiná t.d. bangsa, gsm síma, fréttablaði eða babyborn dúkku til að sjá hvað þau eru lítil þegar þau eru nokkra daga eða vikna gömul og tekið svo aftur mynd af barninu með hlutnum reglulega þegar það stækkar.

 

Minningakassi með hlutum frá dvölinni á Vökudeildinni og fyrstu mánuðum barnsins getur verið dýrmætt fyrir foreldra að eiga seinna meir. Fyrstu föt barnsins, litlar húfur og sokkar, fyrsta snuðið, lítil bleyja, nafnspjald frá sjúkrahúsinu, hamingjuóskir frá ættingjum eru meðal hluta sem gaman væri að geyma í kassanum.

Félagið

Félag fyrirburaforeldra var stofnað árið 2008.

Félagið er ætlað öllum fyrirburaforeldrum til að hittast og ræða saman og til að gæta hagsmuna fyrirbura og foreldra þeirra.

Væntanlegt er hér á vefinn upplýsingar um félagið og lög þess og hvað helst sé á dagskrá hjá félaginu hverju sinni.

Aðalfundur verður haldinn snemma árs og eru áhugasamir beðnir um að fylgjast auglýsingu hér á vefnum og á facebook síðu fyrirburaforeldra.

Um síðuna

Umsjónarmaður síðunnar er Drífa Baldursdóttir lýðheilsufræðingur og fyrirburamóðir. Hægt er að hafa samband í gegnum vefpóst á drifa@fyrirburar.is

Heimasíðan er unnin af Drífu Baldursdóttur fyrirburamóður. Sambýlismaður hennar Sveinbjörn Hafsteinsson og fyrirburamamman Baddý Sonja Breidert sáu um tæknilegu hliðina við uppsetningu heimasíðunnar.

Um verkefnið

Fræðsluefnið sem er á síðunni vann Drífa sem meistaraverkefni í Lýðheilsufræðum við Háskólann í Reykjavík árið 2009, undir leiðsögn dr. Geirs Gunnlaugssonar prófessors við skólann og með samvinnu við yfirmenn Vökudeildar Barnaspítala Hringsins, Þórð Þórkelsson yfirlækni og Ragnheiði Sigurðardóttur deildarstjóra.
Þróunarverkefnið um gerð vefsíðunnar fyrirburar.is hlaut styrk frá Nýsköpunarsjóði Námsmanna árið 2009.

Þessi heimasíða er tileinkuð Hildi Arneyju dóttur Drífu sem kom í heiminn 11 vikum of snemma, því án hennar innkomu í líf hennar hefði þetta verkefni aldrei orðið að veruleika.